मराठवाडा

कंटेनर कोविड सेंटर!; काँग्रेस नगरसेविका करोना रुग्णांसाठी बनली मसीहा

Share Now

सोलापूर: शहर आणि जिल्ह्यात सर्वत्र संसर्गाने थैमान घातले आहे. रुग्णांना उपचार मिळणे अवघड बनले आहे. शिवाय बेड आणि ऑक्सिजनअभावी अनेकांचे बळी जात आहेत. गोरगरिबांना उपचारासाठी अक्षरशः वणवण भटकंती करावी लागत आहे. सोलापुरात रुग्णांची ही अवस्था पाहून प्रभाग क्रमांक १६ च्या काँग्रेस पक्षाच्या नगरसेविका प्रभागातील गरजू रुग्णांसाठी धावून आल्या आहेत. प्रभाग करोनामुक्त करण्याच्या उद्देशाने त्यांनी गुरूनानक चौक परिसरातील ऑफिसर्स क्लबसमोर असलेल्या संस्मरण उद्यानाच्या बाहेरील मोकळ्या जागेत रस्त्याच्या कडेला चक्क उभारले आहे. हे कंटेनर साधेसुधे नसून संपूर्ण वातानुकूलित आहेत. याठिकाणी २४ तास डॉक्टरांची व्यवस्था करण्यात आली आहे. आठ बेडचे ऑक्सिजनयुक्त हे कंटेनर कोविड सेंटर सोमवारपासून कार्यान्वित होणार असल्याची माहिती नगरसेविका फिरदोस पटेल यांनी दिली. ( )

वाचा:
नगरसेवक फंडातून सुमारे १५ लाख रुपये खर्चून उभारण्यात आलेल्या या कंटेनर कोविड सेंटरमध्ये उपचारासाठी दाखल होणाऱ्या रुग्णांना ऑक्सिजन बरोबरच औषधगोळ्यासुद्धा मोफत देण्यात येणार आहेत. करोनाच्या कालावधीत ऑक्सिजन बेड न मिळाल्याने कोणाचा जीव जाणार नाही या उद्देशाने हे वातानुकूलित कंटेनर कोविड सेंटर उभारण्यात आल्याचे फिरदोस पटेल यांनी सांगितले. अमरदीप कंस्ट्रक्शनचे सलीम शेख यांनी अत्यंत कमी कालावधीत या कंटेनर हॉस्पिटलची निर्मिती केली आहे. प्रभाग क्रमांक १६ हा दाट लोकवस्तीचा परिसर आहे. दाटीवाटीने असलेली घरे आणि अन्य कारणांमुळे नागरिकांना करोनाचा संसर्ग होण्याचा धोका अधिक आहे. अशावेळी रुग्णांची मोठ्या रुग्णालयात उपचाराअभावी हेळसांड होऊ नये व तातडीने त्या रुग्णाला उपचार मिळावेत म्हणून ऑक्सिजनयुक्त कंटेनर कोविड सेंटरची निर्मिती करण्यात आली आहे.

लोकप्रतिनिधींचे एक पाऊल पुढे

महापालिकेचे उपायुक्त यांनी शुक्रवारी दुपारी या वातानुकूलित कंटेनर कोविड सेंटरला भेट देऊन पाहणी केली आणि समाधान व्यक्त केले. नगरसेविका पटेल यांनी राबविलेली ही संकल्पना अत्यंत चांगली आहे. प्रत्येक प्रभागात असे कंटेनर कोविड सेंटर उभारले तर मोठ्या हॉस्पिटलवरील ताण कमी होण्यास निश्चित मदत होईल, असे त्यांनी सांगितले. करोनाची महामारी कमी करायची असेल तर सर्व लोकप्रतिनिधींनी आपापल्या प्रभागात असे सेंटर उभारून रुग्णांच्या मदतीला धावून आले पाहिजे असे ते म्हणाले. महापालिका आपल्यापरीने करोनाचा धोका कमी करण्यासाठी प्रयत्नांची पराकाष्टा करतच आहे. त्याजोडीला लोकप्रतिनिधींनी सुद्धा आता आगळ्यावेगळ्या संकल्पनेतून करोना रुग्णांसाठी एक पाऊल पुढे टाकल्यामुळे बऱ्याच गोष्टींवरचा ताण कमी होण्याचा मार्ग मोकळा झाला असल्याचे उपायुक्त जमीर लेंगरेकर यांनी सांगितले.

वाचा:

करोनामुक्त प्रभागासाठी उचलले पाऊल

सोलापूर शहरात करोना रुग्ण आणि त्याचबरोबर मृतांचा वाढता आकडा चिंताजनक बनला आहे. ऑक्सिजन बेड शिल्लक नसल्यामुळे अनेकजण दगावत आहेत तर बहुतांश हॉस्पिटलमध्ये बेड शिल्लक नसल्यामुळे करोना झालेल्या रुग्णांना उपचार मिळणे अवघड बनले आहे. अशावेळी लोकप्रतिनिधी या नात्याने प्रभागातील नागरिकांच्या मदतीला धावून येणे आपण आपले कर्तव्य समजतो आणि याच कर्तव्य भावनेतून प्रभाग क्रमांक १६ मधील नागरिकांना करोनापासून दूर ठेवण्यासाठी तसेच संपूर्ण प्रभाग करोनामुक्त करण्यासाठी सुमारे पंधरा लाख रुपये खर्चून वातानुकूलित कंटेनर कोविड सेंटर उभारण्यात आले आहे. याशिवाय स्वखर्चातून डॉक्टर मंडळींची सुद्धा मदत घेण्यात आली आहे. तसेच मोफत औषधगोळ्यासुद्धा रुग्णांना देण्यात येणार आहेत. ज्यांना ऑक्सिजनची गरज आहे, अशा रुग्णांना या ठिकाणी ऑक्सिजन बेडच्या माध्यमातून उपचार करूनच घरी पाठविण्याचे नियोजन करण्यात आल्याचे नगरसेविका फिरदोस पटेल यांनी सांगितले.

वाचा:

ऑक्सिजन बेडसह गरम पाण्याचीही व्यवस्था

फिरदोस पटेल यांनी सुरू केलेल्या दोन वातानुकूलित कंटेनर कोविड सेंटरमध्ये एकूण आठ बेड आहेत. ज्यामध्ये चार बेड ऑक्सीजनयुक्त तर ४ बेड अन्य रुग्णांवर उपचारासाठी ठेवण्यात आले आहेत. एका कंटेनरमध्ये ओपीडीसह चार बेड तर दुसऱ्या कंटेनरमध्ये ऑक्सिजन बेड तसेच रुग्णांवर उपचार करण्यासाठी येणारे एम.डी. मेडिसिन डॉक्टर तसेच नर्स आणि अन्य कर्मचाऱ्यांना राहण्यासाठी वातानुकूलित रूम तयार करण्यात आली आहे. याशिवाय रुग्णांसाठी शौचालय आणि स्नानगृहाची व्यवस्था असून गरम पाण्यासाठी गीझरचीसुद्धा व्यवस्था करण्यात आली आहे. मुबलक पाण्याची व्यवस्थासुद्धा टाक्यांच्या माध्यमातून करण्यात आली आहे. दोन्ही कंटेनरमध्ये २४ तास चालेल अशी वातानुकूलित यंत्रणा बसविण्यात आली आहे. तसेच पंखेसुद्धा बसविण्यात आले आहेत. स्वच्छ प्रकाश यावा म्हणून एलईडी लाइट्स लावण्यात आले आहेत. तर ऑक्सिजनचे सिलेंडर ठेवण्यासाठी कंटेनरच्या बाहेर सुरक्षित अशा प्रकारचा बॉक्स तयार करण्यात आला आहे. कंटेनरच्या बाहेरील संपूर्ण परिसर स्वच्छ राहण्यासाठी व रुग्णांच्या नातेवाईकांना बसण्यासाठी बाकडे टाकून विविध प्रकारच्या झाडांनी परिसर सुशोभित करण्यात येणार आहे.

वाचा:

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3e5N7Sf
via IFTTT


Share Now
error: Content is protected !!