मराठवाडा

करोनामुक्तांचे प्रमाण वाढले; मात्र, मृत्यूदर चिंता वाढवणारा

Share Now

मुंबईः महाराष्ट्रात आज पुन्हा एकदा करोना रुग्णसंख्या स्थिरावल्याचं चित्र पाहायला मिळालं आहे. आज राज्यात ६२ हजार २८२ नवीन रुग्णांची नोंद झाली आहे. तर, ६१ हजार ३२६ रुग्णांनी करोनावर यशस्वी मात केली आहे. राज्याच्या आरोग्यविभागानं ही माहिती दिली आहे. ()

राज्यात करोना संसर्गानं पुन्हा उचल खालल्यानंतर परिस्थिती आटोक्यात आणण्यासाठी युद्धपातळीवर प्रयत्न सुरु आहेत. या प्रयत्नांना काही प्रमाणात यश येताना दिसत आहेत. मार्च- एप्रिल महिन्यात करोनाचा आलेख वाढत होता मात्र त्या तुलनेनं रुग्ण बरे होण्याचे प्रमाण कमी होते. मात्र, आता परिस्थितीत सुधार येताना दिसत आहे. रुग्ण बरे होण्याचे प्रमाणही वाढताना दिसत आहे.

गेल्या २४ तासांत ६३ हजार २८२ नवीन रुग्णांचे निदान झालं आहे. तर, आज ६१ हजार ३२६ करोनाबाधित बरे होऊन घरी परतले आहेत. त्यामुळं रुग्ण बरे होण्याचा एकूण आकडा ३९ लाख ३० हजार ३०२ इतका झाला आहे. ४० लाख ४३ हजार ८९९ लोकं होम क्वारंटाइन असून २६ हजार ४२० संस्थात्मक क्वारंटाइनमध्ये आहेत.

गेल्या २४ तासांत ८०२ रुग्णांनी करोनामुळं आपले प्राण गमावले आहेत. त्यामुळं करोना मृत्यूदर १. ४९ टक्के इतका झाला आहे. तर, राज्यातील एकूण करोना मृतांचा आकडा ६९ हजार ६१५ इतका झाला आहे.

अॅक्टिव्ह रुग्ण

राज्यात रुग्ण बरे होण्याचे प्रमाण अधिक असले तरी अॅक्टिव्ह रुग्णांची संख्या चिंता वाढवणारी आहे. राज्यात सध्या ६ लाख ६३ हजार ७५८ इतके अॅक्टिव्ह रुग्ण उपचार घेत असून त्यांच्यावर विविध रुग्णालयात उपचार सुरु आहेत. पुण्यात सर्वाधिक अॅक्टिव्ह रुग्णांचा आकडा आहे. पुण्यात सध्या १ लाख ४८ हजार ४९ इतके अॅक्टिव्ह रुग्ण आहेत तर, मुंबईत ६३ हजार ३२५ उपचाराधीन रुग्ण आहेत.

from Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times https://ift.tt/3gTfjJX
via IFTTT


Share Now
error: Content is protected !!